Уключыліся ў гульню
У сярэдняй школе №9 прайшла другая гарадская гульня-алімпіяда “Спадчына маіх продкаў – 2025”. Удзельнікі паказалі свае веды ў розных галінах: ад гісторыі да літаратуры. Конкурс прадугледжваў праверку ведаў і здольнасць выказваць думкі пісьмова.
З прывітальным словам выступіла намеснік дырэктара школы Алена Жэбіна. Далей 17 канкурсантаў чакалі цікавыя заданні гульні-алімпіяды.
Як яны справіліся с выпрабаваннямі, стане вядома ў сакавіку, пасля праверкі работ удзельнікаў. Але кожны з іх атрымаў невялікі памятны сувенір, падрыхтаваны аргкамітэтам.
Як і год таму, над інтэлектуальнай гульнёй мы працавалі сумесна з аддзелам ідэалагічнай работы, культуры і па справах моладзі гарвыканкама. Прыемна, што мерапрыемства ўжо стала традыцыйным і падтрымліваецца таксама аддзелам па адукацыі, спорце і турызме і гарадскім камітэтам ГА “БРСМ”.
Кацярына Шылько, вучаніца 10 класса СШ №2:
– Я цікаўлюся гісторыяй нашай краіны і вырашыла паспрабаваць сябе ў гульні-алімпіядзе “Спадчына маіх продкаў”. Прызнацца, было займальна. Выдатна, што такі патрыятычны квэст прыдумаў наш равеснік. Жадаю праекту развіцця.
Арцемій МАЗУРА
