Прэзідэнт Беларусі Аляксандр Лукашэнка 11 чэрвеня сабраў нараду па пытаннях прававога рэгулявання гаспадарчай дзейнасці.

Як адзначыў у пачатку нарады кіраўнік дзяржавы, вынесеныя на разгляд пытанні ахопліваюць шырокі спектр эканамічных і грамадскіх адносін.

«Нам давядзецца абмеркаваць цэлы пласт фундаментальных аспектаў прававога рэгулявання, якія закрануць кожнага без выключэння. І не толькі грамадзян Рэспублікі Беларусь. Таму любыя навацыі павінны быць максімальна вывераны і прадуманы, а таксама адпавядаць нашым каштоўнасцям, прынцыпам і не ствараць якіх-небудзь пагроз», — падкрэсліў Аляксандр Лукашэнка.

Першае і самае аб’ёмнае пытанне датычыцца карэкціроўкі Грамадзянскага кодэкса. «Па сутнасці, як мы заўсёды гаварылі, гэта эканамічная канстытуцыя нашай краіны — прававая аснова ўсіх гаспадарчых адносін. Гэта аснова нашай эканомікі. Дзеючы кодэкс сістэмна не пераглядаўся з дня яго прыняцця, а гэта было ў прамым і пераносным сэнсах яшчэ ў мінулым стагоддзі, — заўважыў Прэзідэнт. — Як мне дакладваюць, работа над праектам вялася не адзін год з прыцягненнем усіх прадстаўнікоў грамадства. Падрыхтаваны значны аб’ём паправак, якія закранаюць многія сферы, аж да працоўнай і банкаўскай».

Найбольшы блок змяненняў будзе датычыцца гаспадарчай дзейнасці і звычайных грамадзян. Паводле слоў кіраўніка дзяржавы, гэта ўкараненне пакуль новых для Беларусі, але працуючых у іншых краінах інстытутаў, а таксама ўдасканаленне кодэкса з улікам рэальнага жыцця. «Таму хацеў бы яшчэ раз пераканацца ў тым, што задаваемыя напрамкі развіцця грамадзянскага заканадаўства адпавядаюць нашай дзяржаўнай палітыцы», — дадаў ён.

Аляксандр Лукашэнка пацікавіўся, наколькі прапанаваныя падыходы адпавядаюць бягучым і перспектыўным патрэбнасцям краіны, грамадства, бізнесу і грамадзян, як улічаны вопыт такога рэгулявання ў іншых краінах, асабліва ў тых, з якімі ў Беларусі шырокая дагаворна-прававая база. «Якія навацыі з’явяцца ў нашай краіне, калі мы замацуем іх у кодэксе? Наколькі мы, асабліва суб’екты гаспадарання і людзі, гатовы да іх? Ці запатрабаваны гэтыя перамены або мы «нацягваем» іх штучна, чаго рабіць абсалютна нельга?» — спытаў Прэзідэнт.

На нараду запрошаны прэм’ер-міністр і першы віцэ-прэм’ер, кіраўнікі абедзвюх палат парламента, кіраўнікі Камітэта дзяржаўнага кантролю і Нацыянальнага банка, міністры фінансаў, эканомікі і юстыцыі.

Лукашэнка: мы павінны ісці да дэбюракратызацыі ўсіх сістэм у краіне

Кіраўнік дзяржавы, гаворачы аб карэкціроўцы адміністрацыйных працэдур, звярнуў увагу на эфектыўнасць шматузроўневай сістэмы, якая будзе ў выніку створана. «Ці не прывядзе яна да звышфармалізму і, што вельмі страшна, да бюракратыі або кручкатворства на ведамасным або мясцовым узроўнях? Вось гэтага мы дапусціць ніяк не павінны. Мы павінны ісці да дэбюракратызацыі ўсіх сістэм, схем, якія дзейнічаюць у краіне. Гэта галоўнае», — падкрэсліў Аляксандр Лукашэнка. Паводле яго слоў, нават законы і заканадаўчыя акты часам тонуць у бюракратызме, лішнім узгадненні, хаджэнні па інстанцыях. «Забылі пра «адно акно», — дадаў беларускі лідар.

Прэзідэнт у час нарады таксама закрануў пытанне электроннага ўзаемадзеяння паміж органамі ўлады і суб’ектамі гаспадарання. «Ці дазволіць лічбавізацыя скараціць затраты і не дапусціць карупцыйных перадумоў? — звярнуўся кіраўнік дзяржавы да ўдзельнікаў мерапрыемства. — Папярэджваю: тут не павінна быць работы ў даніну модзе — ах, лічбавізацыя, камп’ютарызацыя, айфончыкі ў руках і іншае. Гэта ўсё добра, калі гэта на карысць і калі гэта разумеюць нашы людзі, а не асобныя 15-20 працэнтаў насельніцтва. Калі людзі гэта ўспрымаюць. Таму бегчы трэба не спяшаючыся, але не спазняцца».

Лукашэнка даручыў Савету Рэспублікі праводзіць фінальную экспертную ацэнку заканадаўчых актаў

Адпаведнае ўказанне Прэзідэнт даў у час нарады па пытаннях прававога рэгулявання гаспадарчай дзейнасці.

«Давядзецца Савету Рэспублікі і вам асабіста гэтым заняцца, каб мы, не дай бог, не дапусцілі якіх-небудзь ляпаў або хто-небудзь не прапхнуў у заканадаўства таго, што сёння жыццём не запатрабавана, — падкрэсліў Аляксандр Лукашэнка. — У Савеце Рэспублікі вопытныя людзі, ад вытворчасці. Таму трэба будзе стварыць каманду добрых юрыстаў, філосафаў, правазнаўцаў і іншых людзей, якія будуць працаваць пры Савеце Рэспублікі і важнейшыя дакументы будуць «прасвечваць» на прадмет жыцця, жыццяздольнасці».

image_pdfСоздать PDFimage_printВерсия для печати

Оставьте комментарий

Please enter your comment!
Please enter your name here