За апошнія гады эканоміка Беларусі, маладой, суверэннай дзяржавы, якая праводзіць міралюбівую шматвектарную знешнюю палітыку, паднялася на новы ўзровень. Дзякуючы працавітаму беларускаму народу, у нас выпускаюцца самазвалы БЕЛАЗ, трактары «Беларусь», матацыклы, веласіпеды, тэлевізары, якасная тканіна, трыкатажныя вырабы. Асноўнай каштоўнасццю краіны з’яўляецца чалавек, і якім будзе гэты чалавек – такім будзе і будучыня краіны. І кожны грамадзянін можа ўнесці свой уклад у далейшы росквіт нашай Радзімы.

Святочны канцэрт “Зроблена ў Беларусі”, які прайшоў у Цэнтры культуры і адпачынку, распачаў Аляксандр Рулькевіч, намеснік старшыні камітэта эканомікі Мінаблвыканкама, які звярнуўся да прысутных і ўручыў узнагароды. Словы падзякі за плённую працу выказаў старшыня Жодзінскага гарвыканкама Дзмітрый Заблоцкі.

За значны асабісты ўклад у правядзенне грамадска-палітычных мерапрыемстваў у Мінскай вобласці ўзнагароджаныя:

Ганаровай граматай Мінскага абласнога Савета дэпутатаў – Сяргей Афанасенкаў, майстар службы эксплуатацыі Смалявіцкага раёна газазабеспячэння філіяла «Барысаўскае вытворчае ўпраўленне».

Ганаровай граматай Мінскага абласнога выканаўчага камітэта: Таццяна Краўцэвіч, начальнік аддзела арганізацыйна-кадравай работы гарвыканкама; Таццяна Грышчанка, настаўнік пачатковых класаў СШ № 8; Галіна Ляпяўка, сацыяльны педагог Гімназіі № 1.

Падзякі старшыні Мінскага абласнога выканаўчага камітэта аб’яўлены: Людміле Курбанавай, галоўнаму рэдактару газеты «Жодзінскія навіны»; Марыне Кухто, начальніку аддзела загса гарвыканкама; Любові Радашкевіч, намесніку начальніка ўпраўлення па працы, занятасцi i сацыяльнай абароне гарвыканкама; Людміле Сахаравай, першаму сакратару гарадской арганізацыі Камуністычнай партыі Беларусі; Наталлі Судаковай, загадчыку ДУА “Яслі-сад № 22”; Наталлі Сушко, старшыні гарадскога Савета дэпутатаў.

Да гасцей свята звярнулася старшыня гарсавета, старшыня гарадской арганізацыі ГА “Беларускі саюз жанчын” Наталля Сушко. Яна павіншавала ўсіх з узнагародамі і пажадала поспехаў у грамадскай і прафесійнай дзейнасці.

Многае зведала наша беларуская зямля, але засталася незалежнай, самастойнай. Яна мае багатую гісторыю, культуру, мову. І калі мы – сапраўдныя грамадзяне сваёй краіны, мы будзем клапаціцца пра тое, каб захаваць гэтыя багацці.

 “ЖН”

image_pdfСоздать PDFimage_printВерсия для печати

Оставьте комментарий

Please enter your comment!
Please enter your name here